Der Nicolas Sarkozy und d’Frou MerkelFrässe zäme es SpanferkelNume d’Länder usem Süde tüe si verjageDi chöi am Schluss a de Chnoche gnage

Tuet dir der Euro ufe Gring abekacke Muesch der Rettigsschirm uspacke

D’Passagiere vor Concordia hei sech gseitD’Wäut-Ungergangs-Party wird vorverleitU während si im Meer ertrinkeGseh si der Käpt‘n ar Strandbar winke

und het der Käpt‘n di Fautschi gvogletchaner jo wider säge, är sig gstoglet

De Ängländer hets e Hochzit gschneitDer William hüratet sini KeitDe Brite geit das am Arsch verbiDs Geilschte isch d’Pippa vo hinge gsi

Würd der William i Islamisch Zentraurat ga Chönnt er d’Pippa ou no grad ha

D’Euro ds Pole und ir UkraiineSpile si i de Bou-RuineWe si es Stadion zweni heiDs Nöieburg wär jetz eis frei

Chöi d’Xamax-Spiler ihre Lohn nid ha Chöi si jo zu Sion ga

Mit Ökostrom chasch nid verhandleChoschtet viu, tuet d’Natur verschandleDoch sit FukushimaIsch er prima

In Japan tuet Fukushima strahle Ir Schwiz mache das di Grüenliberale

D’SVP wott d’Voukswau haDs Parlamänt tüeg se nid i Bundesrat laDi hei äuä ir Staatskund gfäutDer Bundesrat wird vor Wäutwuche gwäut

Bim Wort Enthüuigsjournalismus Berchunnt der Rogel Köppel e Sameerguss

D’Araber si im Früelig ufgstangeUnd hei ihri Diktatore lo hangeD’Schwizer mache sech ou uf d’SöckliUnd verhindere der Sturm uf ds Stöckli

Ir Schwiz dörfe d’Vagante ir Freiheit blibe Si müesse eifach für d’Wäutwuche schribe

Und in Libye hei d’RebelleÄndlech chönne der Ghadaffi stelleUnd we mir ne der Flug tüe buecheChöme si i d Schwiz der Köppel cho sueche

Und we mir der Flug nid buechet hei Chöme si vo ganz elei

In Nordkorea wärde Träne vergosseWär nid truuret wird verschosseBi üs sött me ou so Drohige verhängeDe würde meh Lüt um d’Nella gränne

Der Kim Jong Il und d’Martinetti Nella Hei der glichi Coifför gha

E UBS-Bänker verspiut zwe MilliardeDäm sött me grad mit ere HellebardeEis zünftig gä uf sini ChappeDenn bi üs zeut jede Rappe

Lieber gib i mis Gäut i Abfaukübel Aus am Oswald Grübel

D’Wäut wird das Johr ungergoÜs cha das am Arsch verbi goTuet üs e grossi Wäue überroueMacht nüt, mir hei der Lyssbach-Stoue

Wäut-Ungergang het ou sis guete S’tuet nämlech aui Gugge fluete

Ds Migros tuet ds Zäntrum verlaDenner u Vögele tüe nochegaWed dr Orts-Chärn luegsch berchunnsch der KollerDo isch jo no der Ortsbus vouer

Muesch de mou im Ortsbus schtah Het äuä öpper d’Sitze lo mitga

Sit ds Asyl-Zäntrum uf het taDarfsch dis Velo nümm duss lo umestaDe Asylante würdi empfahleSi würde gschider der Ortsbus stähle

Und isch der Ortsbus nümme do Tuet pro Monet ei Räntner für nüt ar Hautsteu sto

Ds Fastnachtsmotto dieses JahrWott bim zähte Bier ar BarEifach nid so cooler wärdeDerfür heimer Potänzbeschwärde

Aus Motto für nächschts Johr schlö mir vor: Chlor im Ohr

So, mir gseh üs ds nächscht Johr widerHoffentlech isch denn ds Motto chli gschiderDoch das isch es schwirigs UngerfangeDenn isch jo d’Wäut scho ungergange