Weltgebedsdag 2017

Wat is denn fair?

Weltgebeedsdag 2017 von de Philippinen up Platt

- 1 -

Weltgebedsdag 2017

Ehder at all ringahtMaakt lüttje Tuten mit Ries togang, de Ji de Lüüd, de in’ne Kark ringaht, in’ne Hand geevtUp den Altar liggt ‘n Bibel, steiht ‘n Kerz un dat Krüüz.Wenn Ji ringaht, bringt Ji mit, wat up dat bunte Bild vöörn up to sehn is: ‘n Bambus- oder Riesplant, ‘n Dook, Waag un Obst…De Leste hangt dat Bild in groot so up, dat all Lüüd dat goot sehn köönt.

All: Leed 1 „Come to the Circle“ / „Kumm, un vertell us“

1. Come to the circle. Come to the circle, children. Come to the circle. Come share your world in the circle.2. Kumm un vertell us, kumm un vertell us, wat di drifft. Kumm un bliev, deel mit us, wat du beleevt.3. Kumm un vertell us, wi lustert di to. Kumm un bliev, deel mit us wat du beleevst.

Willkomen

Een: Good, dat Ji all dar sünd to den Weltgebetsdag 2017. Wi freut us.

Wenn wi us up de Philippinen bemööt, seggt wi Mabuhay to’n’anner. In us Spraak Tagalog heet dat soveel as ’Willkommen’ un 'Leev lang‘, aver ok ‘Prost‘ oder ‘Hurra‘. -- Mabuhay

Een: In dit Johr wüllt wi tohoop mit de philippinischen Froolüüd doröver nahdenken: Wat meent dat denn nu eentlik „fair“? (Kerz ansticken)Wi neemt Jo in’n Arm un seggt: Koomt all mit in usen Kreis, tohoop wült wi Gott loben un Dank seggen.

Wi roopt to’t Gebet

- 2 -

Weltgebedsdag 2017

Een: Wat för’n richtig moijen Dag, dat wi in Gott sien Huus bin’anner ween köönt!

All: Gott is middenmang us.

Een: Ok, wenn’t us slecht geiht,

All: denn hölpt us de Kraft von den Hilligen Geist.

Een: Weest dankbor,

All: besünners for Jesus Christus, dör den Gott us loos maakt.

All: Leedroop 2 „Amen“

Frolüüd roopt nah Gerechtigkeit

Een: Wi höört nu, wat philippinische Frolüüd us vertellt:

All: Leed „Come to the Circle“ / “Kumm, vertell us wat”

1. Froo: Ik bün Merlyn un kaam ut Mindanao. Dat is ‘n Insel in’n Süden van us Land. At Kind hebb ik faken beleevt, dat mien Mutter Hau kreeg. Un at ik seben weer, sturv se – an Kreeft. Bloots eenen Monat later wurd mien Vader, at se sik um Land strieen dän, dootschoten – un ik muss tokieken.

Later muss ik mi Arbeit söken, dat mien jüngeren Susters un Broers na’t School gahn kunn'. Ik leet mi mitnehmen up een groot Schipp, dat mi in de grote Stadt Manila brochde. Ik weer 15, harr mi aver at 18 utgeven, dat ik Arbeid kreeg.

So’ne Agentuur broch mi at Hülpsdeern in eene Familje. Dor wurackerte ik at Deern för allens mit ganz wenig Schlaap un ohn free’n Dag. Nah dree Maand harr ik noch kienen Pennig Geld sehn, so künnnigte ik de Stääd up un gung weg. Do hett de Fro mi bi de Polizei mellt: Ik harr gewaltig wat mitgahn laten, sä se, dat heet düüre Ohrringen von ehr Deern. Ik keem dree Daag un twee Nachten in't Kaschott.

Ik funn ‘n Afkaat, de keen Geld hebben wull. Dat weer een Christ. He hett mi hulpen bi denProzess. In beide Saken hebb ik wunnen: De Froo muss allens mit Geld woller goodmaken, un dat ik nich klaut harr, muss se ok togeven. Nu steiht mien Noom nich mehrin’t Straafregister.So at dat bi mi aflopen is, geiht dat veele junge Deerns von Lan’n, de – wieldat se nix to bieten hebbt – in de groten Städer oder sogar butenlanns gaht, dor Geld to verdeenen. Se sünd knapp mit de ersten veer Johr School kloor un denn werd se al Huusdeerns. Dor

- 3 -

Weltgebedsdag 2017

ward veel Schindluder dreven: nich bloots, dat se veel toveel arbeiden mööt, faken geiht ehr dat ok an Lief un Ehr. Un doch gifft dat siet November 2012 een Gesett, wo upschreven is, wat Huusdeensten tosteiht. För dit Kasambahay-Gesetz hebbt veele Minschen lang streden, bet dat togang’n keem.

Dat gifft mehr at 2 Millionen Huusdeensten in’t Land. Wi bruukt rejelle Regeln för Arbeid, de good sünd för den Minschen un to em passt, dat wi nich so arm blievt.

All: Leed „Come to the Circle“ / “Kumm, vertell us wat”

2. Froo: Ik bün Celia un ik hebb een Kind.Ik arbeid as Daglöhnersche up een van de grottsten Zuckerrohrplantagen in Zentral Luzon, de grote Insel in’n Norden van de Philippinen. Dat Geld, wat ik an’n Dag verdeen, is nich noog, miene Familje satt to kriegen.

Wieldat nich mehr so veel Zuckerrohr anboet ward un mehr Maschinen de Arbeid doot, gifft dat för us nich mehr noog to doon. So kann ik meisttieds bloots noch twee Dag in’ne Week dor arbeiden.

Um mehr Geld for miene Familie to verdeen’n, verkoop ik an Schooldagen Fischklüttjen unwat Kolts to drinken. Ik wasch ok för anner Lüüd un verkoop an’e Straat Seep un Zahnpasta. Liekers at ik so hart arbeiden do, is dat nich noog, miene Familje mit dree rejelle Mahltieden an'n Dag to versorgen. Ok Water in‘n Huus kann ik mi nich leisten. Water mööt ik mi von de Pump holen, de för all Lüüd dor is.

De Zuckerrohrplantage is 6.453 Hektar groot. Tohop mit 5.000 annere Landarbeiders un –arbeiderinnen tööv ik up den Dag, wo wi endlich een Stück Land kriegt, dat wi sulven beackern könnt. So wüll dat de Agarreform von de Regierung. Un de Landbesitzer hebbt toseggt, so Land to verdeelen.

Wi mööt eenfach wieter wat doon, dat wi so leven könnt, at dat den Minschen tokummt.

All: Leed „Come to the Circle“ / “Kumm, vertell us wat”

3. Froo: Ik bün Editha, 69 Jor old un Wittfroo. Miene 3 Kinner sünd al langen verheirat’t. Ikleev in de Stadt Ormoc in’n Oosten van de Philippinen. Bi us weer de Taifun Yolanda, anner Länner nöömt em Haiyan.

Ik verloor mienen lüttjen Laden un mien Huus, bün sulven aver heel darvon afkamen. Ümmer noch leev ik in een lüttje Hütt, tohoop mit mien Nabersche, wi deelt ok us Äten.Ik hebb kien Hülp kregen, mien Huus woller uptobo’en. Aver wi sünd dankbor, dat wecke van de veelen Organisationen us hölpt. Ik hebb Hülp kregen van dat Programm „Bargeld för Arbeid“ van dat engelsche Wark „Christian Aid“. De Taifun hett mi schlimm raakt. Ik söök Arbeid un’n nejet Tohuus. De Regierung is veel to langsam mi’t Betahlen un woller upboon. Un dorbi is doch fors nah den Taifun so veel Geld ut de ganze Welt kamen, us to hölpen.

Dat Tohoop-doon gifft us Kraft. In Tieden at düsse ward wi dat so recht gewohr.All: Leed 3 „Sylayan! Acht op dat Leven“

- 4 -

Weltgebedsdag 2017

Silayan. Dat heet: Acht op dat Leven. / Schenk us den Freden för de unrusig Eerd. Si -Silayan. Dat heet: Acht op dat Leven / Gott, bliev bi us alltiet bi an't Enne von't all. Si -

1. Gott, wi hoopt, schenk du Klookheit un Wietblick, dat wi den Weg mit di gaht.Silayan. Dat heet: Acht op dat Leven. Gott, bliev bi us alltiet bit an't Enn' von de Daag.

2. Gott, us Sünn, holl us in diene Warmte. dat wi …

3. Gott, Süster, hölp bi Arbeid un Aarnte, dat wi ...

Wi bekennt us Schuld

Een: Gott, de Geschichten von use philppinischen Susters hölpt us to bedenken, wo wietweg wi noch sünd van dat vulle Leven, dat du all Minschen toseggt hest. Wi snackt dorümmer umto, wiel wi meent, dat us swacke Stimm doch nix utrichten kann.

All: Leedroop 4 „Sigaw! Sigaw!“

All: Du, Gott, hest höört, wo dien Volk nah Free’n schreet.

1. Froo: aver wi red’t us rut: Wi bruukt veele Soldaten, de wat for us doot.

All: Leedroop 4 „Sigaw! Sigaw!“

All: Du, Gott hest höört, wo dien Volk nah den Schutz van de Eer schreet,

2. Froo: aver wi hebbt de Utreed, dat de kloken Lüüd woll'n Weg finnen doot, us Eer to redden

All: Leedroop 4 „Sigaw! Sigaw!“

All: Du, Gott, hest höört, wo dien Volk nah mitn’anner Verdregen röppt,

3. Froo: aver wi hebbt de Utreed, mit de Lüüd van anner Völker un Kulturen hebbt wi wenig to doon.

All: Leedroop 4 „Sigaw! Sigaw!“

- 5 -

Weltgebedsdag 2017

All: Du, Gott, hest us seggt: Hölpt de Armen un de, de kien Tohuus hebbt,

4. Froo: aver wi hebbt de Utreed: Wenn wi hölpt, kummt dat wiss nich an bi de Lüüd.

All: Leedroop 4 „Sigaw! Sigaw!“

All: Gott, nu hebbt wi keen Utreden mehr un wi markt, dat wi veel verkehrt maakt hebbt.Wi hebbt Schuld, wenn wi nich höört, wo anner Lüüd um Hülp beedelt un wi nix doot.Wi mööt antern, wenn du nah Gerechtigkeit röppst. Vergeev us, Gott, un maak us free.Giff us Begeisterung un hölp us, dat wi us röögt.

Vergeven ward toseggt

Een: Gott seggt: “Höört mi to, de ji de Gerechtigkeit wüllt, de ji Gott söökt.“ „Ja, ji schölltmit Freuden hengahn un mit Free’n. Bargen un allens schall vergnöögt ween, schöllt mit jojuchheien, un de Bööm schöllt in de Hann’n klatschen. (Jes. 51,1; 55,12)

Jesus seggt: Ik bün kamen, dat ji leven köönt un dat good hebbt. (Joh. 10,10)

Gott vergifft us un maakt us free, dat wi dat deep in us Hart wiesweert, wo wi neetanfangen köönt.

All: Leed 5 „O Gott in'n Himmel“

- 6 -

Weltgebedsdag 2017

1. O Gott in'n Himmel, du büst de Anfang, un büst dat Enne,du giffst den Freden, du büst Vergeven, du büst de Antwoord op use Fragen,du giffst den Segen.

2. O Jesus Christus, du büst de Heiland, de us Leven bewohrt,du büst de Wohrheit, du büst dat Leven, du büst dat Woort, du büst de Döör,du giffst den Segen.

3. Hillige Geistkraft, jümmers in Bewegen, bliffst du us doch troo,du wullt us stüren, du büst de Hollfast, du büst de Kraft un giffst us Troost,du giffst den Segen.

Lesung (Mt.20,1-16 - Lektionar S.115 [CD S. 84])

1 Mit dat Himmelriek ist dat so as mit’n Buuern, de över Huus un Hoff dat Seggen hett: Degüng ut, ganz fröh an’n Dag, un wull Arbeidslüüd söken för sienen Wienbarg. 2 As he nu mit de Arbeidslüüd klaar kaamen wöör - he wull jem eenen Daler as Lohn förden Dag geven -, do schick he se hen in sienen Wienbarg. 3 So bi Klock neegen güng he nochmal los un seeg dor noch wecke up’n Markt rümstahn; 4 to de sä he: „Gaht ji ok man in mienen Wienbarg; wat jo tokummt, dat will ik jo geven.“5 Un de güngen denn ok hen. ’s Middags bi Klock twölf un bi Klock dree güng he ok nochwedder los un maak dat jüst so. 6 As he sik Klock fief nocheens up’n Weg maak, funn he noch wedder wecke, de dar rüm-stünnen; he sä to jem: „Wat staht ji hier den ganzen Dag rüm un doot nix?“ 7 De sä’n to em: „Us hett nüms Arbeid geven.“ Do sä he to jem: „Denn gaht ji ok in mienenWienbarg!“8 As dat nu Abend worden wöör, do sä de Herr von den Wienbarg to sien Verwalter: „Roopde Arbeidslüüd rin, un betahl jem den Lohn; fang an bi de, de tolest kaamen sünd, unmaak denn so füdder, bit du to de eersten kummst.“9 So köömen nu toeerst de an’e Reeg,de eerst bi Klock fief mit de Arbeid anfungen harrn, un de kreegen jedereen eenen Daler. 10 As denn de an de Tour köömen, de toeerst anfungen harrn, do meenen se, se wullennu wol mehr kriegen. Man ok se kreegen jedereen den eenen Daler. 11 As se den utbetahlt kreegen, do gnurrn se oever den Huusvadder 12 un schimpen: „Dat kann doch wol nich angahn! Düsse Lüüd sünd ganz tolest kaamenun hefft man eene Stünn arbeid’t, un de behannelst du graad so as us, un wi hefft us dochden ganzen swaaren Dag schunnen un de brüttige Hitt uthoolen mosst.“ 13 De Wienbuuer nöhm sik eenen vör un sä em Bescheed: „Mien goode Fründ“, sä he, „ikdo di doch nich Unrecht. Harrst du nich eenen Daler mit mi afmaakt as Daglohn? 14 Dennso nümm doch hen, wat di tosteiht, un gah diene Weg‘! Ik will nu eben düssen, detolest kaamen is, jüstsoveel geven as di! 15 Oder steiht mi dat nich free, un kann ik mit mien Geld nich doon un laaten, wat ik will?Wat warst du dar böös üm, dat ik so good to em bün?“16 Süh, so ward ut de lesten de eersten un ut de eersten de lesten. (Gerd Koll/ OLe)

Nadenken un över den Text schnacken

Een: Jesus vertellt siene Jünger un Jüngerinnen wat över Gott sien Riek un seggt: Dat isjüs so at mit den Mann, de soveel Land hett: he stellt sien Helpslüüd to verscheedenStunn’n an’n Dag in, betahlt jüm aver all den sülvigen Lohn.

- 7 -

Weltgebedsdag 2017

Een: Wiel wi all kien Arbeid hebbt, freut wi us, wenn ok later an’n Dag noch Minschen toArbeid bruukt ward. Un liekers: Wenn wi de eersten ween werden, würden wi ok wollmeckern, dat wi nich mehr Geld kriegt at de, de toletzt kamen sünd.

Een: Up de Philippinen is dat so: Bi’t Planten un Arnten von Ries nimmst du dien Nahbarsto Hülp. Nüms kriggt Geld dorför, aver all kriegt se wat af von dat, wat arn‘t ward. Datnöömt 'n „Dagyaw“ (utspraken „Dagjau“).

Een: Dagyaw helpt us, dat wi all good mit’nanner utkomt. So kummt dat, dat een för denannern mitföhlt un sorgt.

Een: In de Bibel vertellt Jesus us, wo de Keerl dat maakt, den de Wienbarg tohöört, dat wibeter verstaht, wo dat in Gott sien Riek togeiht. To fragen gifft dor aver doch wat.

Een: Worum kriegt all dat sülvige Geld, liekers se verscheeden lang arbeid hebbt? Lett sikus Dagyaw mit dat, wat de Wienbuur deit, verglieken? Well sünd de „Lesten“ in usGemeend? Wurden wi jüm inladen, bi de Aarnt mittohelpen? Wat geiht di dat wat an, wennGott di toroppt, gerecht to ween?

Wo anterst du up Gott sien Ropen?Wat is denn eentlik „fair“?Snackt dor mal mit’nanner över! (Tied laten!)

All: Leed 6 „Wir strecken uns nach dir“

Hier kann een passend plattdüütsch Leed insett' warden.

Wi staat for dat Mitn’anner

Een: Wenn arnt ward, gifft dat van allen noog, dat is ‘n Tied to’n Fier’n. Kaamt her unkriegt wat af van dat. wat wi arnt hebbt – dat is us Dagyaw. Wat von de Gerechtigkeitkummt, is goot for us Hopen un lett us bi de Saak blieven. Dat gefallt us denn so good, datwi nich opgeevt, ok wenn se us noch soveel Knüppels twüschen de Been’n smiet‘t.

Aktion un Leed

Nu köönt lüttje Tuten mit Ries verdeelt warden, wieldes sungen ward:

All: Leed Nr 7 „Wi bringt wat us egen is“

Wi bringt, wat us eegen is, dräägt all us Lengen hier to dienen Disch.Wi bringt all us Bangen, bringt us Plagen hier to dienen Disch.Un tosamen deelt wi dat Brood. Un tosamen deelt wi den Wien.Dien Woort laat us hopen, diene Leevde maak vull un riek us't Leven..Wi kaamt mit use Freide, mit us Leven hen to di an dienen Disch.De Gloven stüürt us tosamen, in Freden wöllt wi leven.Tosamen kann dat gelücken, wi lengt all nah Gerechtigkeit.

- 8 -

Weltgebedsdag 2017

Singwies:

Een: Gott; wi bringt di dissen Ries. He is for us een Teken von dienen Geist, de usfreemaakt.

Laat dienen Geist in us wassen un riep werden, dat de Gerechtigkeit gröter werden kann.

Maak, dat us ganze Volk Minschen sünd, de van Harten mitföhlen könnt un Leevde föhlt.

Gott, de du dat Leven wullt, du maakst ut Saat Frucht. Wi beed for all, de mitmaakt bi datWunner von dat Utseien un de Freud bi dat Arnten.

Laat us Saat van de Gerechtigkeit upgahn at Planten, de an lebennig Water wasst. Wihoopt, dat se mehr wird. Dat is een Teken för us Lengen, Hopen in disse unfaire Welt tobringen.

- 9 -

Weltgebedsdag 2017

Mit us Hann’n wüllt wi ümmer woller utseien un för de lüttjen Planten sorgen, bet se riepsünd.

Maak us rein. Maak us beter. Maak us free. Bewohr dat, wat wi arn’t hebbt. Laat us so leven, at du dat wullt, di to Ehr. Amen

Kollekte

Een: De Weltgebeedsdag geiht bi de christlichen Froen dör de ganze Welt. Jedet Jahrwunnert wi us neet, wo stark de enkelten Froolüüd sünd. Wi höört us ehre Sorgen an unward stark in‘ Gloven. Wi stellt us eene Welt vor, in de all Froolüüd so leven könnt, at sedat wüllt. Up den Weg dorhen bruukt wi Teken, dat wi dat all so wüllt. Een Teken dorför isdat Geld, wat wi insammelt; dor wüllt wi Froens un Deerns mit hölpen un stark maken, dein de Welt wat up de Been stellt.

All: Leed 8 „Dat de Völker heel wird“

- 10 -

Weltgebedsdag 2017

1. Üm dat all de Völker heel ward,bitt von Harten wi, us Gott,dat wi Minschen lehrt to deelen,wat to'n Leven nöödig deit.Spröök nich, Leevde wohr maakt,dat schall een Verspreken sien,dat schall een Verspreken sien.

2.Wies den Weg hen to de Freeheit,dat nich Biesternis regeert,Haat un Krieg höört överwunnen,Freden bruukt de Böverhand.Gegen all dat Sorgen, Bangen,help us höpen un vertroon,help us höpen un vertroon.

3. So veel weert is't Minschenleven, liekers sünd so veel minnacht',vonwegen Huutfarv, Armoot, annerswat.Dat geiht nich an, de Tiet is kort , Wi wöllt dor gegen angahn,söken nah Gerechtigkeit, söken nah Gerechtig keit.

4. Gott, du hest den Minschen schaffen,maakt un dacht as dien Afbild,wohre Minschlichkeit to levenas dien Söhn us dat hett wiest.Herr laat us dor op ut ween,bliev bi us op de Eerdbliev bi us op de Eerd.

Fürbidden

Een: Wi bringt de Bitten van us philipinschen Susters vor Gott.

Een: Ik bün Mudder. Us Kinner bruukt dat Notwendigste van den Doktor.

All: Gott, de du us hopen un mitn’anner utkamen lettst, wi wüllt for us Kinner sorgen, datse weniger lieen mööt.

- 11 -

Weltgebedsdag 2017

All: Leedroop 9 „Sigaw! Wi roopt um Hülp, o Gott!“

Sigaw! Sigaw! Wi roopt um Hülp, o Gott!

Een: Ik arbeid butenlanns. Ik brüük gerechte Gesetze.

All: Gott, de du us gerecht un free maakst: Wat den Minschen free maakt – siene Würde –is an mennig Städen in Gefohr.

Wi seht dat at us Upgaav an, de Wuddeln van de Ungerechtigkeit ut to rieten.

All: Leedroop 9 „Sigaw! Wi ropt um Hülp, o Gott“

Een: Ik bün jung. Ik mööt wat lehren. Ik much nad d’ School gahn.

All: Gott, de du us Mester un Wiespahl büst. Laat du all Minschen dat doon, wat se richtiggood könnt un dat werden, wo du jüm to maakt hest.

All: Leedroop 9 „Sigaw! Wi ropt um Hülp, o Gott“

Een: Mien Volk leevt al ümmer in dit Land.Ik much dat, wat Gott us geven hett un wi arvt’t hebbt, bewohren.

All: Gott, de du dat Leven maakt hest, wi wüllt mithölpen, to bo’en, dat all Minschen in deganze Welt Leevde un Gerechtigkeit hebbt un dat sik all een den annern hölpt.

All: Leedroop 9 „Sigaw! Wi roopt um Hülp, o Gott“

Een: Ik bün Buursche un Arbeiderin. Gott, wi wüllt ümmer mehr in diene Goodigkeitt levenun wat doon, wenn du röppst. So könnt wi wat ännern in us Gesellschaft.

All: Gott, de du Leevde un Gerechtigkeit büst, hölp us, dat wi de Saat for dat Beterwerdenward un maak us to Warktüüg for dienen Free’n.

Een: Wi beed’t tohop

All: Uns' Vader in den Himmel, laat hillig warden dien Naam, laat kaamen dien Riek. Wat du wullt, schall warden, in'n Himmel un op de Eer. Giff us Broot dissen Dag;un reken us nich to, wat wi unrecht daan hebbt,so as wi nich toreken willt, wat uns andaan is.Laat us nich afkamen von dien Recht,un maak us free von all, wat us drifft.Du wullt dat, du kannst dat, du deist dat ok. Amen.

- 12 -

Weltgebedsdag 2017

Utsenden un Segen

All: Leed 10 “Let justice roll down”

Let justice roll down like a river, let justice flow down to the sea;let justice roll down like a river, let justice begin through me.

Gerechtig-keit kaam daal as een Stroom, schall gahn as een Stroom in de See.Gahn schall se ok deep in us Hart, as Springborn för all us Doon.

1. Goodigkeit för alle, de Macht hebbt, Toflucht för Minschen in Noot.Broot för de Minschen, de hungert, un liedsam Leven, nich Doot.

2.Tokunft för de ahne Heimat, Helpslüüd för all, de schrien.Klookheit för de, dat Leit hebbt, un Leven in Freden tosaam.

3.Achten un Wohrheit ,nich Lögen, Respekt för Kinner un Froons.Leeder för all, de stumm sünd un Rosen an Tackeldraht.

- 13 -

Weltgebedsdag 2017

Een: Jesus is for us dat Broot to’n Leven. He schickt us los, annern satt to maken.

All: Wi wüllt us Leven mit us Susters un Broers deelen.

Een: De Gott von de Gerechtigkeit stüürt us los, Saat for dat Hopen uttosei’n, dat dorFreewerden un Leevde ut wasst.

All: Mit us eegen Hann’n wüllt wi planten, plegen un arnten.

Een: De Hillige Geist stüürt us los, Warktüüg for Fairness (Good-mitn’anner-umgahn) unFreid to ween.

All: Laat us nah dien’n Willen un di to Ehr leven.

Een: Gott van de Gerechtigkeit kumm segen us.Jesus Christus segen us, de Unrecht un Verfolgung för us up sik neem.De hillige Geistkraft segen us, se gifft us Kraft, for Gerechtigkeit un Free’n wat to doon.Gott sien Segen wees ümmer mit us. Amen

All: Leed 11 „ De Dag is vörbi, nu kummt de Nacht““

2. At över Länder, över dat Meer / de Morgen jümmer wietertreckt, / treckt ook din Loff, Herr, to din groot Ehr, / de du de Welt mit Gnaaden deckst.3. Wenn bi us is unnergaahn de Sunn / is't bi anner Lü Morgenstunn. / Dat Morgenloff ward daar denn sungen, / se hefft, Herr, din Wunner funnen.4. Daar mag so mennig Riek woll fallen, / din herrlicht Riek steiht ewig fast, / un wasst un wasst din Wollgefallen / de Minschen to, du nimmst de Last.

Text nah Karl Albrecht Höppl 1958, de nag dat engelsche „The day thou gavest, Lord, is ended" von John F. Ellerton 1870

- 14 -

Weltgebedsdag 2017

Material:

Leed 3:

1. O God in heaven, grant to thy childrenMercy and blessing, songs never ceasing,Love to unite us, grace to redeem us,God in heaven, dear Lord, our God.2. Jesus, Redeemer, may we rememberThy gracious passion, Thy resurrection.Worship we bring thee, praise we shall sing thee,Jesus, Redeemer, Jesus, our Lord.3. Spirit descending, whose is the blessing,Strength for the weary, help for the needy;Sealed in our kinship, thine be our worship,Spirit descending, Spirit adored.

Leed 8

Lord, we pray with one accord,for a just and equal sharingof the things that earth affords.To a life of love in actionhelp us rise and pledge our word.

Lead us forward into freedom,from despair your world release,that, redeemed from war and hatred,all may come and go in peace.Show us how through care and goodnessfear will die and hope increase.

All that kills abundant living,let it from the earth be banned:pride of status, race or schooling,dogmas that obscure your plan.In our common quest for justicemay we hallow brief life's span.

You, Creator God, have written

- 15 -

Weltgebedsdag 2017

your great name on humankind;for our growing in your likenessbring the life of Christ to mind;that by our response and serviceearth its destiny may find.

Leed 10 /Amos 5, 24

Refrain:

Let justice roll down like a river,

let justice flow down to the sea;

let justice roll down like a river

let justice begin through me.

Justice for all who go hungry,

crying to God to be fed,

left in a world of abundance

to beg for a morsel of bread.

Refrain

Justice for those who are homeless,

victims of war or of need,

trapped on the borders of nowhere,

lost in the canyons of greed.

Refrain

Justice for all who are powerless,

yearning for freedom in vain,

plundered and robbed of their birth-right,

silently bearing their pain.

Refrain

- 16 -