DUPF-CLUB BLETTLIdupf-club.ch/v1/wordpress/wp-content/uploads/2016/02/183n.pdfFasnacht Jungi Garde...

Zwangslosi Mittailige ibers Verainsläbe

DUPF-CLUB BLETTLI183

NOOT

UUSS

GOOB

Dupf-Club Blettli Syte -2-

Neugründungen und LiquidationenFinanz- und Personalbuchhaltung

UnternehmensberatungFinanzmanagement

...damit nit uss em letschte

Loch pfyffsch! Dominique BrändleDipl. Exp. in Rechnungslegung

und Controlling

Dupf-Club Blettli Syte -2- Dupf-Club Blettli Nummere 183 Syte -3-

Blettli Nummere 183, Friejoor 2015

EditorialVom Onan uff dr NootfallstationNo dr Fasnacht, wie allewyl am Zyschtig, hämmer ys wider im Käller droffe, zem gmietlige Zämmehöggle und Räschtenässe in dr Alte Garde.

Me het iber d Fasnacht, dr Bummel und allergattig glunges brichtet, womer druff koo sin, dass mit Unterstützig vo dr Junge Garde e »Nootuussgoob» vo däm Blettli soll entstoo. Vom Stamm het me jo laider no kai Echo bikoo, vo wäge Redaggter und so ...

Dr Bruno het drno im Ärnscht (nit dr Erni) gfroggt, ebb s iberhaupt e Blettli bruuch! «Wär liist scho das Blettli?», het er moniert! Und zem Abschluss zem Beschte gää: «Die wo das Blettli schryybe, mache das sicher fir sich sälber ...!»

Y bi mer drno zimmlig gstrooft voorkoo, dass y scho iber 40 Joor bi däm Verain mitmach und my im Schryybe vo Bydrääg fürs Blettli betailige due. E weeneli duuch biny Haim und dr Gedangge isch ins Alte Teschtamänt zem Onan gwan-deret; au är het schynts alles numme fir sich elai gmacht. …[Genesis (Kapitel 38)] E bitzli Hoffnig hani zwor no, dass dr Bruno mit sym Votum au elai isch!

Zem das uusezfinde het dr Simi d Idee gha, mer kennte e Nootuussgoob mit Hilf vo dr Junge Garde mache und dr Stamm am Rand erwääne, wiene Schyssdräggziigli!

Drum kunnt das Blettli quasi uuss dr Nootfallstation und mer hoffen alli: es wird bald wider xsund!


Inhalt vom Blettli–Nummere 183, Friejoor 2015

Editorial 3Inhaltsverzaichniss / Impressum 4Jooresolan 2015 (Juni bis Septämber) 5O du fröhliche - Fasnachtszeit 6/7E spezielle Lambbenappéro 9Syte fir und vo de Junge, Intärns Pryysdrummle und Pfiffe 2015 10/11Dr Sandro Wietlisbach, Instruggter Tamboure Jungi Garde, stellt sich vor 12/13Nämme vo de neye Drummelschieler 13 Uff em Robinson-Spiilblatz in Muttenz 14 Fasnacht Jungi Garde 2015 15/16 D‘ Fasnacht 2015 vo dr Junge Garde 18 JG-Bummel 2015 19/20 Fasnacht AG 2015: Guugel - Angscht 22/23 Bummel AG 2015 23/24 Dr traditionell Umgang mit em Club zer Alte Klappe 25/26 Huere und Schluggmäss 27 Dr MEGA-ZYSCHTIG 28-32 Dr Pierrot hett gheert und glääse… 33 Sitojen 34

IMPRESSUM: 66. Johrgang / erschynt dreimool im Johr ? / d’Ufflaag isch ebbe 370 Blettli / uusegää duet’s dr Dupf-Club Basel / fir d’Mitglieder ischs graatis, fir anderi unbezaalbaar / d’Redaggzion bestoot us ?, em Beat Ankli, em Pauli Suhr und em Martin Fäh d’Redaggzionsadrässe isch: vakant, die Nootuussgoob: [email protected] Redaggtionsschluss fir s näggschte Blettli wird vom neye Redaggter bekannt gää!

Nettli Glychzyttig mit em Drugg, wird s Blettli im Netz (farbig) uff dr Web-Syte vom DCB publiziert: http://www.dupf-club.ch/


Jooh

resp

lan

2015

/201

6M

onet

Wuc

heda

agDa

tum

Was

Wär

Wo

Bem

ergi

ggJu

niZi

2.6.

Iebi

gAG

20:1

5 DC

B-Kä

ller

Do4.

6.Ie

big

StDC

B/St

aine

-Käl

ler

Fr05

.6.

GV S

tam

mSt

20:1

5 DC

B-Kä

ller

sep.

Yla

adig

Zi9.

6.Ie

big

AG20

:15

DCB-

Källe

rDo

11.6

.Ie

big

StDC

B/St

aine

-Käl

ler

Zi16

.6.

Iebi

gAG

20:1

5 DC

B-Kä

ller

Do18

.6.

GMG

Stdu

sse

mit

Drum

mle

Gmai

nsam

i mit

Grill

sep.

Yyl

aadi

gZi

23.6

.Ie

big

AG20

:15

DCB-

Källe

rDo

25.6

.Ie

big

StDC

B/St

aine

-Käl

ler

Sa-S

o27

.-28.

6.Cl

ique

-Grim

peli

StSc

hütz

emat

tese

p. Y

laad

ig /

Aam

äldi

gZi

30.6

.Ie

big

AG20

:15

DCB-

Källe

rJu

liDo

2.7.

Iebi

gSt

DCB/

Stai

ne-K

älle

rSu

mm

erpa

use

StZi

7.7.

Sum

mer

pfyf

feAG

20:1

5 DC

B-Kä

ller

frei

will

igZi

14.7

.Su

mm

erpf

yffe

AG20

:15

DCB-

Källe

rfr

eiw

illig

Zi21

.7.

Sum

mer

hogg

AGse

p. Y

ylaa

dig

Zi28

.7.

Sum

mer

pfyf

feAG

20:1

5 DC

B-Kä

ller

frei

will

igAu

gusc

htZi

4.8.

Sum

mer

pfyf

feAG

20:1

5 DC

B-Kä

ller

frei

will

igZi

11.8

.Su

mm

erpf

yffe

AG20

:15

DCB-

Källe

rfr

eiw

illig

Zi18

.8.

Sum

mer

pfyf

feAG

20:1

5 DC

B-Kä

ller

frei

will

igFr

21.8

.Em

Beb

bi sy

Jazz

Alli

Zi25

.8.

Sum

mer

pfyf

feAG

20:1

5 DC

B-Kä

ller

frei

will

igDo

27.8

.Gm

ains

ami

StDC

B-Kä

ller

Sept

ämbe

rZi

1.9.

Iebi

gAG

20:1

5 DC

B-Kä

ller

Do

3.9.

Iebi

gSt

DCB/

Stai

ne-K

älle

rZi

8.9.

Iebi

gAG

20:1

5 DC

B-Kä

ller

Do

10.9

.Ie

big

StDC

B/St

aine

-Käl

ler

Fr??

Meg

a St

ände

liAG

, St

sep.

Yla

adig

Zi15

.9.

kai I

ebig

AG20

:15

DCB-

Källe

rAm

Don

nsch

tig G

mains

ami m

it em

Stam

mDo

17.9

.Gm

ains

ami S

tam

m/A

GSt

/AG

DCB-

Källe

r/St

aine

-Käl

ler

Tam

bour

e un

d Pf

yffe

r get

renn

tZi

22.9

.Ie

big

AG20

:15

DCB-

Källe

rDo

24.9

.Ie

big

StDC

B/St

aine

-Käl

ler

Do24

.9.

Saal

iebi

gTa

mb.

/Vor

trab

IBA-

Saal

sep.

Yla

adig

Zi29

.9.

Iebi

gAG

20:1

5 DC

B-Kä

ller

Joor

eska

länd

er D

CB R

est

27.0

4.20

15Si

tte

1 vo

1


O du fröhliche - Fasnachtszeit

Zwischen Geschenke basteln, Proben fürs Adventssingen, Abschlussarbeiten etc. richteten wir unseren Fokus aufs Larvenmachen. Die Klasse 4A des Peters-schulhauses durfte unter der Führung von Kurt Adolf zweimal mit je 12 Kindern ins Dupf-Club Atelier. Nicht Zimt-, Änis- oder Schoggiduft lag also in der Luft, sondern es roch nach Kleister, Leim und Larven-lack. Die Stimmung war obergemütlich – fast wie Weihnachten – und alles war perfekt organisiert: Vom Haargummeli für die Mädchen bis zum vorbereiteten Namenschildchen, das als Abschluss in die Form geklebt wurden, hatte Kurt wirklich an alles gedacht. Jeder Schritt wurde sorgfältig, verständlich und gut portioniert erklärt. So konnte jedes Kind erfolgreich und stolz seine Larve bis „aus der Form“ nehmen realisieren.Und etwa so tönte es schon auf dem Heimweg: - Das Einwachsen war so toll! - Ich fand es super, wie alles schon bereit lag. - Dieses System, wie man Larven macht ist cool. - Die Spannung war gross, als die Form so vorsichtig weggenommen wurde! - Es war spannend, dass man erst am Schluss sah, wie die Larve ausschaut. - Mir hat gefallen, dass ich die Grossmamme Muff bekommen habe. - Es ist so toll, dass diese Clique das mit uns gemacht hat. - Es war so lieb, dass wir sogar noch Kuchen und Cola bekommen haben. - ……..Ja, vielen Dank! Wir freuen uns schon jetzt aufs Anpassen. Jeanine Appel, Klassenlehrerin 4A

Dä Bricht hämmer dr Jeanine abgluxt, zem Zaige, was alles so lauft vor dr Fasnacht. Hinder d Kulisse, das liist me sofort, seen nit alli: Baratgmacht het all das Material, fir zem Larvemache mit Schuelklasse, dr Mar-kus Brändle, bevor er e grosse Service het miesse lo mache. Dr Kurt und ich sin drno ygsprunge und mer hänn ys gfroggt, wie dr Markus das alles alls elai het kenne mache ...Mit wytere zwai Schuelklasse uss em Hirz-

Vom Markus im Atelier vorberaitet inklusive Mineral und Kueche ...


brunneschuelhuus het dr Kurt und ich au jewyle in zwai Grubbe zu ebbe 12 Näsli Larve ygleggt. Wuche speeter, dr Markus isch wider fit und munter drbygsii, hämmer mit dene Schuelklasse au alli die Lärvli aabasst und se de Kinder haimgää. In de Schuelhyser in dr Handy, oder wie das hitzedags haisse mag, sin die wysse Larve drno de Sujet entsprächend aagmoolt worde.

Am Megaschuelfasnachtsumziigli het dr Beno Hunziker ebbe 200 Foteli gschosse und se ins FB gstellt. Dert hani drno e baar Larve wider erkennt ...Das Schuelumziigli vom Minschterblatz zem Waisehuus het kenne bi scheenem und kielem Wätter duuregfiert wärde! Es isch die längschti Marschiebig mit Larve gsii ...Danggscheen em Jeanine fir dä nätt Bricht und em Beno fir d Helge, aber vorallem em Markus fir die gross Vorberaitig !


GMG Gmeinsami mit Grill und dusse Drummle

Do, 18. Juni 2015

Clique-Grimpeli 2015 Sa, So, 27, 28. Juni

Schützematte !

em Bebbi sy Jazz Fr, 21. Augschte 2015


E spezielle LambbenappéroWie allewyl am Sunntig vor em Morgestraich, het sich dr Dupf-Club bim Brunne vor em Kollegiegebäud vo dr Uni droffe. D Latärne sin bi Wyssem, Orangesaft und Sunnereedli bschaut worde und allsyts guete Zuespruch gfunde. Alli drey Kinschtler sin koo und hänn kenne d Mängi gniesse.

D Szeene isch aber gspängstig-ungwoont gsii: Dr Obmaa vom Stamm het en alti Gschicht woor gmacht, wome alle Voorgänger-Oblyt aagwunsche het!

Wie mängg mool hän d Lyt befirchtet (oder gwunsche) dass dr Reedner uff em Brunnerand e Fääldritt macht und ins kalte Wasser gheit!

Dasmool ischs bassiert! Dr Obmaa, Marc Sauter, wo syt dr GV 2014 »ins kalte Wasser vom DCB gheit isch« het e Fääldritt gmacht und het e Daucherli im kalte Kollegiebrunne gmacht.

Dropfnass het er drno sy Aas-prooch ghalte und pfläddernass de drey Kinschtler gratuliert und uns e scheeni Fasnacht gwunsche.

Bi synere kurze Reed het er drno aber no erwäänt, dass er under de Glaider e Dauchaaziigli wurd draage ...


Intärns Pryysdrummle und Pfiffe 2015Am 17. Jänner 2015 het im Kaisersaal vom Theater Fauteuil s'Intärne Pryys-drummle und Pfyffe 2015 statt gfunde. Die Junge hän ys widermol zaigt, dass d'Instruggtore e super Arbet glaischtet und die Junge wyter brocht hän. Näbe seer guete Vorträg, hetts au wider sonigi gä, wo vilicht uf s neggschte Intärne e weeneli mee iebe wärde. Aber s'Intärne soll jo unter anderem au als Standortbestimmig für jede ainzelne Junggardischt syy. Esoo isch am Schluss jede e Gwünner, wo alle Muet zämme gno het und uf d'Bühni gstande isch.

Supper isch au em Gabriel Kawakami sy U-Böötli gsi, wo är uns usser Konkurränz uruffgfiert het. Är het dä Marsch mit e weeneli Unterstützig vom Sebastian, sym Instruggter, gschriibe. Drnoo het

me d'Note vom U-Böötli sogar khenne kaufe.

Au dr Kurs 1 und 2 vo de Damboure het zaigt, was sy kenne und sin mit em Böggli uf d Bühni gstande. I glaub me het gsee, dass qualitativ gueti Jungi folge wärde.


Näbe de Junge hän sich au no dr Stamm und die Alti Garde präsentiert. Vor allem die Alti Garde het miteme nid-Fas-nächtlige-Ufftritt ai mol mee zaiggt, dass me mit weenig Uffwand seer vyyl bewirke kha.

D' Rangverkündigung isch denn au grad dr Ab-schluss vo däm Oobe gsi.

D' Jurore hän die Junge wie folgt bewärtet:

Pfyffer1. Eamon Collins, 2. Maximilian Fankhauser, 3. Eliot Brun, 4. Philippe Tschan-nen, 5. Maximilian Oehri

Damboure1. Enea Schwendinger, 2. Yanik Leibundgut, 3. Nicolas Kaufmann, 4. Tim Kurt, 5. Chika Ezechukwa, 6. Henry Graf, 7. Elia Vilomar

Will d'Fasnacht 2016 scho am 15.02.2016 wird syy, wärde mir s'näggschte Intärne scho am 28.11.2015 durefiere. I bitt euch scho jetzt, dä Termin vorz-mergge. Und grad no öbbis: es wird e anderi, neui Version vom Intärne geh.

Simi


Dr Sandro Wietlisbach, Instruggter Tamboure Jungi Garde, stellt sich vor:

Simi: Was isch dyny Funktion im Dupf-Club:Sandro: Tambure-Instruggter Kurs 1+2 syt- em

Summer 2014, in Abwächslig mit em Robin Scherrer

Simi: Wie alt bisch du?

Sebastian: 20 Joor alt

Simi: Mit wie vyyl Joor hesch aagfange Trumm-le und wo?

Sebastian: Mit 7 bi de Naarebaschi.

Simi: Wieso hesch Du aagfange trummle und nid pfyffe?

Sebastian: Will für mi s drummle ehner in froog kunt, und es su richtig spass macht.

Simi: Hesch no anderi Hobbies?

Sebastian: I spiil no Fuessball und Golf.

Simi: In wellere Clique machsch jetzt Fasnacht?

Sebastian: I bi syt aafang aa bi de Naarebaschis.

Simi: Khönntsch Du Dir au vorstelle inere Männerclique Fasnacht zmache? Wenn Jo- oder Nei, wieso?

Sebastian: Nei, i ha nüt drgege, aber es isch super e chli abwächslig ha.

Simi: Wie verdiensch Du Dyny Brötli?

Sebastian: Ich bi usgleerte Schriiner.

Simi: Du khunnsch jetzt grad us dr RS zrugg, hetts do no Platz kha für e Fründin?

Sebastian: Ja mit vill Verständniss vo dr Fründin scho.;)

Simi: Was gfallt Dir am Beschte an dr Fasnacht?

Sebastian: S zämme si, zämme fasnacht mache und lustig ha.


Simi: Was würdsch gärn an dr Fasnacht ändere?

Sebastian: Eigentlich nüüt.

Simi: Wennd de an dr Dupf-Club dänggsch, was khunnt Dir denn als erschts in Sinn?

Sebastian: E wunderschöne Clique-Käller.

Simi: Was macht Dir am meischte Spass bi Dynere Ufgooob als Instruggter?

Sebastian: De "glaine" d Kunst vom Drummle bybringe. Und ene freud könne mache wenn si Erfolg hän.

Simi: Vyyle Dangg!

Und doo grad no d Nämme vo de neye Drummelschieler:

Noel Schmid, Gregor Holzer, Simon Winiger, Lenn Holenstein

Vier uss em Vordraab vo unsere Junge: Jesse Overberg, Noé Matthey, Ramin Bodmer, Caio De Jesus. Dr Noé und dr Caio hän gschnupperet!


Uff em Robinson-Spiilblatz in MuttenzVor dr Fasnacht het uns dr Simi, als Obmaa vo de Junge mit däm Mail yglaade:

Liebi Kollege Vyyle Dangg, dass Ihr Euch die Zyt nämmet und am Samschtig mit uf dr Robinsonspiilplatz in Muttenz kömmet um e chli Fasnachtsstimmig an die Junge z'Verbreite! Das Ganze wird relativ logger syy. Mir wärde dört aane kho, 2 Märsch spiile und denn de Junge wo wänn au emol s Instrumänt gä und iine e chli s Pfyffe oder s Drummle zeige. Nämmet doch vilicht chli meh Piccolo mit wenn möglich als ihr sälber bruuchet. (Trummle isch schwiiriger...) Wenn alli chli versuecht hän und mr de Buebe mit Flyer yydeggt hän mache mr nomol e Marsch und gön denn wider. S Ziel isch, dass mr Gässlend aahne laufe und wider Gässlend gön. Es gitt denn no Tee und Kueche dört für uns :-) Mitneh: Instrumänt (Drummle/Piccolo), Kostüm und Larve Mr lön ys überrasche. I freu my uf dr Samschtig! Gruess Simi

Esoo hänn sich drno e baar Jun-gi und Alti dert zwische de Glais und dr Autibaan troffe, sich an-derscht aagleggt und e Waldwurz-lemarschiebig im Costüm gmacht.

Die Kinder dert hänn zerscht verhalte, drno aber scho heftiger uff de Inschtrumänt ummebrobiert und ys drno zaigt, wie sii sälber sich uff d Fasnacht in Muttenz vorberaite! Mr hänn kenne zueluege wie sy an iire Latärne ummegmoolt hänn!

Simi / Tinli


Fasnacht Jungi Garde 2015Mit eme Bombesujet: «Dr Wolf isch kai Vegetarier», isch die Jungi Garde zfriide dure Cortège zooge. Voruus d Voordraber, wo flyssig dr Zeedel vom Raphi Pfischter verdailt hänn. Sy sin d Schöfli gsii, wo dr Wolf noonig verwütscht het ...

Hindedraa: die prächtigi, farbefrooi Latärne wo voorne druff dr Wolf zaigt het, wo im Bluetruusch ame Gigot isch...

Uff dr Ruggsyte seet me e Buur wo sich mit dr Mischtgaable gege d Wölf und die Griene weert ...

S Spiil isch aagfiert worde vom Dambour-major, eme veritaable Wölf wo mit vyl Liebi zem Detail im aigene Atelier konschtruiert worden isch! An dere Stell alle Larvemacher und Costymschnydere und -Najere e härzlig Danggerscheen!

Au d Beglaiterinne und Beglaiter hänn wider e Haidenaarbet bravourös gmaischteret!


D Damboure und gfolgt vo de Pfyffer sin alles Buure gsii, me hät kenne maine me syg amene Feemärt ...

E feine Zuug und soo wie me ghört het, hets alle Spass gmacht!

Simi / Tinli


Sind so nädd und beriggsichtiged unseri Inseränte Es sin Mitgliider vom Dupf-Club Basel


D‘ Fasnacht 2015 vo dr Junge GardeWie jedes Joor sin am vieri uf ei Schlag alli Liechter usgange und die bekannti Melodie het uns durchs Lampemeer an Barfi begleitet. Die vo uns Junge wo scho die eint odr ander Fasnacht erläbt händ, häns sicher gmerkt, die erschti Rundi isch das Joor schnäller verbiigange als au scho.

Tatsächlich, plötzlig simmer nüm hinter dr mächtige Stammladärne umringt vo Stämmler und Alt-Gardischte, sondern hinter dr eigene Jung-Garde Lampe gloffe.

Farbefroh abr au biz bedrohlich - me dänkt an dä Choleriker-Senn wo do vo dere Lampe abegstiiert het - sinn die erschte Ihdrück gseh drvo, also genau so wie s’Sujet s’au vorgee het.

Die negschte drey Dääg hämmer also däm Bijou dörfe nochelaufe und die bewundernde Blick gniesse wo sich uf unsere kleine abr - do isch sichs Spiil einig - guet ufgstellte Zug grichtet hän.

Am Cortège zmiddag isch den e witere Trumpf usgspiilt worde, unsere tolle Tambourmajor het sich s’erschtmol dä riisigi Wolfskopf übergstülpt und ab denn in fulminanter Luutstärggi d Märsch ahgseit!

Däm grandiose Leitwolf sin mir no so gärn gfolgt, sisch das Joor ganz klar widr s’Tüpfli ufem "i" gseh. E grosses Dankschön an dere Stell an dr Serge wo uns mit däm Kunschtstück beschänkt het.

Dr Mäntig isch den au scho bald umme gseh, am 10i hämmer uns am Fischmärt guet Nacht gwünscht und die einte sin go Mütze, die andere ind Nacht verschwunde.

Am Fasnachtszischdig trifft me sich jo traditionsgmäss erscht nach dr Kinderfasnacht zum Gässle. Au das Joor het uns unseri Route richtig Barfi gführt womr ufe Stamm gwartet hän, e verzaubernde Ahblick wie die Pierrots dr Kohlebärg durab ströme. Für alli, für die Neue im Dupf und erscht rächt für die viile Junggardischte wo das jetzt s‘letschtmol vo usse sin go betrachte.

Nach em kurze Stopp mit dr ganze Clique isch denn die grossi Überaschig ko. Mir Junge hän dörfe zwüsche de Pierrots ihstoh! Das hätt glaub niemert so erwartet, e biz verlore simmr uns jo drufaabe scho vorkoh zwüsche all dene violette Gwänder, abr denn ischs au scho los gange. Mir häns Piccolo zur Hand gno und dä Augeblick, dä Momänt afoh gniesse.

No immer mit de Impressione vom Pierrot-Zischdig im Kopf simr den an dr Mittwuch-Cortège und hän nomol alles gäh. Z’Obe im Pfaue het sich den bi viilne d’Müedigkeit bemerkbar gmacht, sisch ruhiger worde um die wildi Truppe. Womr denn abr gstärkt vom Znacht ihgstande sin hets e jede Begriffe, s’isch scho bald widr verbi, jetzt odr nie, die letschte paar Stündli wird nomol ein usegloh. Zämme mit dr ganze Clique hän mir bald drufabe die letschti rundi gmacht und sin den am Elfi Znacht am Fischmärt zumene definitive änd koh.

D’Lampe isch verabschiedet worde und denn au mir ältere vom Spiil. Als grossi Gruppe verlön mir jetzt die Jungi Garde. In de letschte drey-vier Joor hämmr immer wie me e eigeni Fasnachts-kultur könne entdecke. Do drus isch e Gmeinschaftsgfühl, e Zämmehalt entstande wome jetzt, wo sich alles e biz veränderet, spürt.

Es isch e bsunders schöni, gselligi Fasnacht gsi und mir Buebe wo jetzt in Stamm ko sin könne, au wenn die einti oder anderi Träne nachere lange Ziit het miesse verdruckt wärde, mitemne guete Gfühl abträtte.

Eamon


JG-Bummel 2015Am dritte Bummelsunntig, am Viertel vor elfi am Morge hän sich die Jungi Garde und ihri Begleiter an dr Bushaltstell Bachgrabe vrsammlet. Mit grosser Spannig het mr s Programm vom Bummel erwartet.

Dr Marco Dill und dr Fabian Aebi hän denn alli zämmegruefe und sin unter Stuune vo vilne direkt zum Restaurant vom Gartebad Bachgrabe gloffe. S Ziel isch öppe nid gsi, an däm sunnige, aber doch eher kiehle Morge e Schwumm znäh, sondern me isch go golfe.

Im Bachgrabe betribt nämlig sit em Joor 2002 dr Verein CityGolf e ganzjöhrigi Gol-faalag, wo im Winter inner- und usserhalb von der Badi 15 Löcher und im Summer immerhin no 6 Löcher könne bespilt wärde.

D Crew vom CityGolf het de Junggar-dischte und de Begleiter, wo sich au mol bim Golfe hän welle versueche, Bäll und Golfschleegel verteilt und ab isch me widr

us dr Badi uuse zu de Fuessballfälder näbedra gange, wo mr sich bim Chip-pe, Putte und Abschloh het könne versueche. Bim Putte hets sogar e kleins Turnier gäh, wo mr gluegt het, wär dr Ball am schnällschte iglocht het ! !

Nach knappe zwei Stund sin alli mied zum Restaurant zruggkoh, wos e gleine Apero gäh het.

Erholt isch me denn zum zweite Programmpunkt witter gange. Nach enme kurze Fuessmarsch sin alli ins Restaurant Zic Zac am Morgartering ikehrt, wo s Zmittag in Form vo Bur-


ger und Pommes-frites gwartet het. Mmh…

Nochem Zmittag het mr d Ruckkehr ind Stadt, genauer gseit in Dupf-Club-Käller, aträtte, wo sich die Junge bi ihrne Begleiter und bi allne wittere Hälfer und em Vorstand für die tolli Fasnacht bedankt hän.

Punkt 4i (am Nomittag…) isch mr denn im Pfäffer-gässli igstande zum no e letschts Mol zgässle, zpfyffe und zdrummle und sich in dr Freie go prä-sentiere bis denn am 10i zoobe dr Bummel und drmit au d Fasnacht 2015 ändgültig Gschicht gsi sin.

Fabian Aebi


Und übrigens... Ich war kürzlich in Oberwil und habe die Gelegenheit benutzt, eine neue Waschmaschine zu kaufen.Sein Geschäft ist hell, schön und gross, die Auswahl erstaunlich und der Service excellent! Wenige Tage darauf haben seine Handwerker das Teil bei uns montiert!Das hat mir in Erinnerung gerufen, wenn immer möglich bei unseren eigenen KMU (Mitglieder oder Blettli- Inserenten) einzukaufen und bei Anschaffungen zu berücksichtigen.Es lohnt sich, du wirst überrascht sein! Tinli

Interessenten Inserenten ZeitungsentenDoo kennt Dy Inserat bi alle DCB-Läsere Bäumige Ydrugg mache

mäld Dy uff dr Redaggtion!


Uus em Naikäschtli vo drAlte Garde

Fasnacht 2015: Guugel - AngschtMit däm Sujet hämmer e nätt Ziigli zämmeg-stellt und hänn kenne mit 10 Voortraber, aim Dambourmajoor, 5 Damboure und 13 Pfyffer

am Cortège dailnää. Unseri Wunderlambbe het aimool mee dr Wipf gmoolt und dä Supperzeedel dr Tomi! Mit em Wätter hämmer saumässig Glück gha: simmer doch maischtens im Schärme gsii, wenns brinzlet het ... Doo e baar Helge vo unserem Ziigli:


Zoobe simmer no mit de Kamerädli vo de (Schnuurebegge)-Schlurbbi e baar Rundeli gloffe. S het ordeli deent: hämmer doch zämme au e Gmainsami in Iirem Lokal in dr Rhygass abghalte! Me het scho wider vom Summerhogg aagfange Schwäärme ...

Bummel 2015Wie scho mänggmool hänn mir ys zooberscht im Hotel Victoria zeme Zmorg-gedringge droffe. Dr Obmaa Erwin, wo mit em Hene zämme dä illuschtri Aaloss organisiert het, isch zur Begriessig uffdrätte und het gsait wos duuregoot: ̈ bere Bahnhof zum Meret Oppehaim-Platz. Dert het me e Bus vom Vögtli bestiige und isch abb uff d Autibaan. Via Uss-faart Niderbipp isch me no Aarwange koo. Dert im hischtoorische Kornhuus het sich e Whiskey-Brennerey ygnisch-tet, wo mer sin go aaluege. Dert mache sy also dä Langatun. E Fierig in zwai Grubbe het sich e weeneli verzettlet, wells allethalbe ebbis gää het zem Frooge und Probiere ... hejoo: es het no e Degustation gää!


Drno isch s Fabriggläädeli plinderet worde. Dr Bus het drno kuum dr Hang uff kenne faare, wells so schwäär gangen isch ...

Me isch no Langethal gfaare und het im Käller vo dr Braui e Apéro go heebe und spöter im Restaurant und Sääli e

feyni Bärnerplatte! E baar so Fräss-kaibe hänn sogar no e Dessert gnoo...

Mit em Car isch me zrugg no Basel und um die Siibene musizierend d Stadt ab!

Schwäär belaade und zfriide hänn mir dä Bummel gnosse und bis am Zääni bi scheenschtem Wätter z Basel kenne Gässle!

Mer dangge an däre Stell de Organisatoore rächt härzlig firs zämmestelle und duurefiere vo däm glatte Bummel! Mr fraienys beraits uff s näggschte Joor ...


Dr traditionell Umgang mit em Club zer Alte KlappeAm Samschtig, em 18. Aprille het me sich im Laiezorn droffe: Wyss Hemmli, ooni Gra-vatte, schwarzi Hoose, schwarzi Schue ...

Was uff dr Ylaadig nit gstanden isch, dass dr Tschill no mitmacht, das isch dä gfielti Kaltwätterydrugg wo d Byyse hinderlott, wenn sy bloost! Und sy het bloose. So hämmer halt alli, usser die wo grad ooni Kittel koo sin, wider ebbis oobeduure aagleggt, dass es kaine ins Näscht leggt, wäge däm Umgang!

Pünggtlig, pünggtliger wurd das nie goo, pünggtlig am 14.30.00Uhr simmer mit Standarte, Voordraab, Faane, Bluemehorn und Rosswaage dur d Stadt.

Im Voordrab sin ney no zwai Schugger, en äs und en är mitgloffe! Sogar no e befunggte vo dr BVB het gluegt, dass mir nit vo de Dram über e Huffe gfaare wärde. (Wie mache mir das au als am Bummel und so, ooni die spez.Begl.?)

Im Roothuus hets dr obligaat Apéro gää mit Wyssem und Faschtewaije.

Im Aaschluss isch dä Zuug via Schiffländi zrugg an Laiezorn. Dert hets scho wider ebbis z Dringge gää. Zwischenyne sim-mer ins Sääli yne, zem e musikaalisch Intermezzo daarzbiete.

De Glabbebrieder hets allemaa au sau-mässig Spass gmacht an Iirer Gründigs-fyr wo sich in däm Joor zem 125. Mool widerhoolt het!

An däre Stell vo Syte vom DCB e härzligi Gratulamour zu däm runden Aaloss!

Als Hooffottigraf het dr Kurt Stehlin e ganze Huffe Bildli gmacht, wonemer übergschoobe het...


Dr MEGA-ZYSCHTIG

Uss em Artiggel oobe ka me lääse, dass ebbert lätz ygstanden isch nacheme Pipihalt... Äxact handlet s sich doo um e Hene, wo glychzyttig no e Wett um e Bier verloore het: Dr Dietmar kunnt mittem uuss em Lällekeenig und gseet grad e Riisezuug veyeletti duurelaufe. Dr Hene wott ystoo, sait dr Didi zuenem: des sind nicht unsere, mach mit Dir ne Wette... Auwä, sy das nid üsi, sy doch üsi Pierrot, sait dr Hene, y gange grad i die hingerscht Reie vo de Pfyffer... Erscht bim Larvenabzie isch das Rätsel glüftet worde!

E anderi Begääbehait.... Dr Hucky kunnt grad bim Jumpferegässli ummenegge, do seet er unde bim Buechlaade Lyt im Pierrot wo no linggs laufe. Könne denn die Voordrääbler nit loose,GFD! Me het gsait me gieng ins Glaibasel, jetzt laufe die doch Richtig Märt ...

Ych sälber hogg im Guggemuusigkäller und gniess e Toonbrötli mit Waggis. Näbemer sitzt dr Rolf, visavis dr Camille, näbenem

Uss dr BZ Nordwestschweiz vom 26.2.15


zwai wyteri in Pierrot, mit neuere, orang-schere Rüsche. Do froog y dr Rolf, du, sin das zwai neui Voordrääbler vom Stamm? Sait dr Camill, nai, die sin vo den Olymper...

Wäärend em gmainsame Zuug simmer über e Rümeli und s git e glaini Stoggig. Dr Roger im Voordraab heert wie e Frau schwärmt, wie grooss efang dr Dupf-Club syg! Dr Maa vonere: das sin d Olymper! Die zwai hänn fascht Lämbbe mitenander bykoo, bis sy gmerggt hänn dass es wirg-glig zwaierlai Stäggeladdärnli gha het ...


Double des Dupf-Club Von Markus Vogt

Die Clique Olympia war erfolgreich mit der «Mission Conchita Wurst». Sie überraschte den Dupf-Club mit einer sehr speziellen Aktion.

Für den Dupf-Club war die Welt in Ordnung an diesem Fasnachts-Zyschtig. Die Männerclique war mit ihrem stattlichen Harst am Abend auf die Piste gegangen, im traditionellen Goschdym, dem violetten Pierrot mit gelbem Kragen, dem Markenzeichen des «Dupf» schlechthin. Der Himmel hielt dicht, die Stimmung war hervorragend, und im Laufe des Abends traf sich der Stamm der Clique mit der Jungen Garde, worauf man(n) eine Strecke zusammen marschierte – das gehört beim Dupf-Club dazu, schon immer, ein schöner Brauch, den man auch bei anderen Cliquen in der einen oder anderen Form kennt. Also los in bester Laune, eingestanden beim «Luftschloss», wie das «Rubino» im Luftgässlein einmal hiess, dann über den Münsterplatz und via den Rheinsprung zur Schifflände. Gedränge da und dort, typische fasnächtliche Stau-Si-tuationen, manchmal versperrt eine andere Formation den Weg. So steht der Zug des Dupf-Club am Fuss des Rheinsprungs, weil ihm plötzlich eine grössere Clique den Weg abschneidet – doch was ist denn das? Diese Clique ist ja der Dupf-Club, violette Pierrots mit gelbem Kragen! Haben wir das richtig gesehen? Als der Platz wieder frei ist, biegt der Dupf-Club nach rechts ab und hält vor dem «Spillmann» eingangs der Mittleren Brücke. Der «andere» Dupf-Club, es muss sich um ein Double handeln, bewegt sich in die Eisengasse, macht einen Kehr in die Marktgasse und taucht wieder an der Brücke auf, gerade als der Original-Dupf-Club in Richtung Glaibasel abmarschiert. Jetzt sind auf einmal zwei exakt gleich gewandete Cliquen unterwegs, hintereinander, ein wahrlich seltenes Bild. Die Kiebitze staunen – was geht da vor? Hat sich der Dupf-Club auf wundersame Weise vermehrt? Gedoubelt, sozusagen?

Respektvolles Bedanken

Wer nun etwas genauer hinsieht und einen Blick auf die Steckenlaternen wirft, entdeckt da Material der Olympia. Diese hat den Dupf-Club tatsächlich und komplett überrascht – wobei es eine ganze Weile brauchte, bis das alle mitbekamen. Im Kleinbasel bog der Dupf-Club tra-ditionsgemäss nach rechts in die Rheingasse ab, die Olympia, die Verfolger-Clique, bewegte sich nach links und stoppte schliesslich in der Ochensgasse. Dort, vor dem «Adler», trafen sich dann die beiden Cliquen.

Der Dupf-Club stand Spalier und bedankte sich bei der Olympia respektvoll für die gelunge-ne Überraschung. Man feierte den Gag, indem man noch zwei Schlaufen gemeinsam durch


die Kleinbasler Gassen pfiff und trommelte. So entstand ein Zug von rund fünfzig Pfeifern und achtzig Tambouren und einem mächtigen Vortrab von gegen fünfzig Männern – einfach prächtig anzusehen und zu hören!

Die Olympia hat bereits im Sommer mit den Vorbereitungen dieser Geschichte begonnen. Eine Dupf-Larve wurde heimlich «ausgeliehen», damit man sie kopieren konnte. Die Goschdym liess man in Thailand fabrizieren – ein solcher Auftrag wäre in Basel wohl zu sehr aufgefallen. Mächtig stolz sind sie, weil alle dicht halten konnten. Die Kommunikation bei der Olympia lief übrigens unter dem Decknamen «Mission Conchita Wurst». (Basler Zeitung) Erstellt: 26.02.2015, 11:52 Uhr Marc Leber 13:21 Uhr

Ich durfte das life miterleben, am Rhysprung.... Es war einfach phantastisch, Hühnerhaut inkl. und pur. Dangge, Olympia und Dupf Club, für dieses einmalige Erlebnis... das gits ebe nur z Basel!!!


BF Online uff Basel.ch

Nicht schlecht gestaunt hat der Dupf Club, als sie im Kleinbasel plötzlich ihren Doubles begegneten. Es handelte sich um die Olymper – und es endete in einem Monstermarsch.

Seit Jahren läuft der Dupf Club im selben violett-gelben Pierrot am Dienstag an der Fasnacht. Dieses „Goschdym“ kommt aber dem Signet der Olymper ziemlich nahe. Und was lag da näher, als die „Konkurrenz“ mal so richtig zu foppen. So geschah es diesen Dienstag. Der Dupf Club hatte an der Ochsengasse gerade zur verdienten Pause ausgestellt, als ihre Doubles daher kamen.

Im Vorfeld stellte sich die Frage, ob dieses Zusammentreffen zu einer Verbrüderung oder einer wüsten Keilerei führen würde. Man stelle sich vor, zwei Frauen stellen an einer wichtigen Veranstaltung fest, dass sie ein identisches Kleid anhaben… Die Antwort war schnell klar: Ver-brüderung! Schon beim Einmarsch wurde die Olympia mit Jubel empfangen – und es ging mit einem gemeinsamen Monster-Marsch über die Mittlere Rheinbrücke weiter.

Wie uns ein Dupf-Mitglied heute Mittag berichtete, dauerte die gemeinsame Fasnacht bis in die Morgenstunden und endete mit einem Frühstück im Raum Schifflände. Fazit: Ein gelungener One-Night-Stand.


Die Aafroog zem Zwaite mool: vonere Bikannte, won e Haasesammlere isch. Sy suecht in iiri Uusstellig nit dr Heggti Haas, nai ai bis zwai Angscht-Haase-Cos-tym vo dr Fasnacht 2003! Weele Drummler hätti das Costym no und wurds zur Verfiegig stelle oder grad in där Uusstellig entsoorge? Ai Frind het aaglüte, y ha aber d Aagoobe verleggt ... lyt bitti nomool aa!

Aagebott bitte an Tinli: 079 232 29 48, Danggerscheen

Dr Pierro het gheert und glääse ...In dr Volksstimme vom 9.2.15 brichte sy vo Zunzge:

D Wurlitzer-Clique het zum 40-Joor Jubiläum am Wurlitzer-Plausch (Saal-Vorfasnachtsver-anstaltig) e Drummeli-Nummere vom Dupf-Club adaptiert: Me het uff dr Biini mit Schäng-gel- und Buuchglopfe e Drummeltäggscht zem Beschte gää: Uff de Massageliigene sin d Kerperdail vo Kamerädli rhytmisch traggtiert worde!

Am Fasnachts zyschtig hänn wider e baar vom DCB mit de Bebbi zämme e glungene Uffdritt konschtruiert: Me isch Russisch-Militärisch mit Marschmuusig als »Hundertschaft« duur d Stadt!


[email protected]

Von dr Toleranz gegenüber de Froje

Isch waiss nit, ob me daas soo saaje darf, awer min Yndrugg an dr Fasnacht isch in die Direction gegange! Mer han mee Toleranz gegeniwer de Froje!

Alors: doo sin im Vorderjuur no Lyt Heim gegange, wells Froje ghet het im Spiil wu mitgepfiffe han! I han driver doo im Blettle geschriiwe!

An däm Carneval isch pas seulment e andere Clique mitmarschiert, man hat geduldet, dass es dert oi no Froje als Pfyffer und Tamboureuse sich ingeschli-che han!

Les tissu à l'huile, d Eellimpe, han des finissement angestellt: Se han sälver gefräflet un han am Cortège jewyle zwoi Wywer ingelade, han im août em Marc Spichti synä Pierrot gekloit un angefange mit Pierrot-Larve ynleege, dass se am Carneval-Mardi han kenne die beide Froje bi uns jouer à cache-cache!

Des isch naturellment e énorme surprise gsin un mir hans geschluggt!

Eve Huere- und Schluggmäss !

Und s Contraire vum Anné dernier isch drby nüsskomme: Es isch kaine Heim! Se sin sogar bis demorge um de Säxe no gesichtet worde im Pierrot!

Comment das geet soo wytersch: In e baar Juur isch zoobe am Zyschtig Je-Ka-Mi: Allä wu avec e me violette Pierrot kemme, steen y un hans mit uns güet! Tout la nuit! Me kann se, die ynghyrootene, éventüellement an de orange-gääle Rüsche erkenne...

DUPF-CLUB BLETTLIdupf-club.ch/v1/wordpress/wp-content/uploads/2016/02/183n.pdfFasnacht Jungi Garde...

Documents

Transcript of DUPF-CLUB BLETTLIdupf-club.ch/v1/wordpress/wp-content/uploads/2016/02/183n.pdfFasnacht Jungi Garde...